Нэгэн галзуу шог зураач 200 комикыг 12 цагийн дотор зурж дуусгажээ... Балай юм...
URL: http://www.cracked.com/article_16219_200-comics-in-under-12-hours.html
URL: http://www.cracked.com/article_16219_200-comics-in-under-12-hours.html
April 5, 2008
Хөөрхөн бүсгүй
Нэгэн өдөр чамтай би уулзах болно
Нэрийг чинь тэгээд би асуух болно
Намайг харчаад чи мишээх болно
Наран тэнгэрт дээр мандаж байх болно
Тэгээд удалгүй хоолонд би урих болно
Тээнэгэлзэнхэн байж чи ирэх болно
Тэр үдшийг хамт сайхан өнгөрөөх болно
Тэсэлгүй чи надруу мессэж бичих болно
Нэгж чинь зөндөө их унах болно
Нэлээд удаан иймэрхүү байх болно
Надтай баймаар ч санагдах болно
Нэг л буруу гэж гэнэт бодогдох болно
Тэнэг юм гэж чи найздаа хэлэх болно
Таг чиг харин би сураг алга болно
Түг түг гэж зүрх чинь цохилох болно
Тэсэлгүй надтай холбоо барих болно
Намар цаг удалгүй айлчлан ирэх болно
Намайг чи эрээд олохгүй байх болно
Надад хайртай гэдгээ чи ойлгох болно
Насан туршдаа тэгээд чи шаналах болно.
Posted on Saturday, April 05, 2008 by Amar Baatartsogt
Нойр
Зөөлхөн ор минь сайхан харагдана
Зөгийн балтай сүү нүдэнд үзэгдхийм
Зөндөө олон шөнийг сэрүүн хонохдоо
Зөвхөн нойр чамайг л би үгүйлэх юм
Хөнжилдөө ороод тухланхан хэвтэхэд
Хаашаа ч юм бэ чи хааяа алга болчихно
Хүмүүс тэрийг нь нойргүйдлээ гэхийм
Хүлээнэ, хүлээнэ, чамайг л би хүлээнэ
Posted on Saturday, April 05, 2008 by Amar Baatartsogt
March 23, 2008
Өнөөдөр өдөржингөө өрөөндөө хий дэмий сууж байгаад дэлгүүр орохоор нэг гарлаа. Яг нар бууж байгаа үе таарсан болохоор гадаа их гоё. Байшингийн орой дээгүүр алтан наран сүүлчийн туяагаа цацруулан, удахгүй шөнө болж, саран авхай хүрэлцэн ирэхийг сануулах мэт. Гадаа их сайхан, намуухан, шувуудын жиргээ сонсогдоод л хавар цаг айлчин ирж байгаа нь нэн таатай. Дэлгүүрийн зүг алхаж явахдаа харин би элдвийг бодож явлаа. Гэнэт яасан юм бүү мэд, зүрх сэтгэл минь нэг л зүйлийг үгүйлээд, их л ганцаардаж байгаагаа мэдрэх шиг. Бодвол нөгөө "Хаврын синдром" нь юм байлгүй. Хавар цагийг хайрын дурлалын улирал гэдэг. Цэцэг ногоо дэлбээлэхээс гадна ан амьтад үр төлөө олдог үе. Хүн болгон л хайр сэтгэлдээ бялууран аз жаргалтай алхах шиг. Харин би ганцаараа иймэрхүү юм бодон алхаж байлаа.
Хүн хайртай хүнтэйгээ цуг байж чадахгүй гэдэг хэцүү. Хайртай хүн чинь чамайг тоохгүй бол бүр хэцүү. Миний сэтгэл тэр нэгэн бүсгүйг л үгүйлээд байгааг би мэдэж байна. Хэдийгээр тэр надад хоёулаа ер нь бүтэхгүй, чи намайг мартсан нь дээр гэдгийг дахин дахин хэлж ойлгуулсан ч гэсэн би үгүйлэхгүй байж чадахгүйм. Заримдаа түүндээ уур хүрэх шиг ч болох юм. Гэхдээ надад харамсах зүйл ямар байх биш. Бид хоёр хамгийн сүүлд бараг 4 сарын өмнө уулзсаныг би санаж байна. Намайг явахын өмнөхөн тэр гэрийн минь гадаа ирснийг би санаж байна. Хоёулаа чимээгүй болчихдог үе байдагдаа, хэн нь ч юм дуугарахгүй. Тийм байдал гаргахгүй гэж би хэнд ч хамаагүй унадаг дугуй энэ тэр яриад л. Тэгэхэд намайг юу гэж бодсийм бүү мэд. Энэ нэг тэнэг амьтан ч гэж бодсон байж магадгүй. Хэхэ.
Тэр удаа би чамайг надад нэг юм хэлэх гээд л байгааг чинь мэдэрсэн. Чи гэхдээ юу ч хэлээгүй. Хэлээгүй нь ч дээр байсан биз. Би дахиж шаналахыг тэр үед огт хүсэхгүй байх байсан нь лавтай. Чамтай баяртай гэж хэлэхийнхээ өмнө баярлаа гэж би хэлэх юунд гэж асууж билээ. Би зүгээр л гэж хэлээд өнгөрсөнсөн. Тэгэхэд би надтай баяртай гэж хэлэх гэж зорьж ирсэнд чинь баярлалаа гэсийм. Чиний алаг нүд уруу ширтэх дахин нэг боломж олгосонд баярлалаа гэсийм. Чи надаас бас уучлалт гуйсныг чинь санаж байна. Шаардлага байгаагүйээ, уучлалт гуйх. Би чамайг аль хэдийн уучилчихсан байсан.
Цаг хугацаа нисэн өнгөрөх юмдаа. Би одоо сар гаруйн дараа амрах гэж байдаг. Хурдан юмаа. Энэ хугацаа өнгөрөх тусам би нөхцөл байдалтай бага багаар эвлэрсээр байна. Болсон бүхнийг эргэцүүлэн бодоход, магадгүй чи намайг хувь хүн талаас нь хэцээ ч таньж мэдээгүй бололтой. Хэдийгээр нэлээдгүй хугацаа өнгөрсөн ч гэсэн би чамайг мартаагүй. Чиний тухай бодол надад гэхдээ сүүлйин үед уйтгар, шаналал, эсвэл гүн бодол авчирхаасаа илүү инээмсгэлэл бэлэглэдэг болсон. Чамтай учирсандаа өөрийгөө азтайд би үргэлж тооцдог. Чамтай дараа дахиж хэзээ, хаана уулзахыг би мэдэхгүй. Гэхдээ тэр мөчийг би дандаа хүлээж байх болно.
Posted on Sunday, March 23, 2008 by Amar Baatartsogt
Шинэ он нэг мэдсэн чинь гарчихжээ... Ийм блог нээсэн гэдгээ ч таг мартчихаж. Би бодвол их муу BLOGGER бололтой. Өнөөдөр манай баг, Duke WVU-д 10н оноогоор хожигдчихлоо. Шал балай юм. DaMarcus Nelson маань дахиад их муу тоглолоо. Дараа жилийн March Madness-г ингээд хүлээдэг байжэээ гэж...
Posted on Sunday, March 23, 2008 by Amar Baatartsogt
Subscribe to:
Posts
(
Atom
)