Таны үзэж байгаа энэ зураг бол Rene Magritte-н "Lovers" хэмээх бүтээл юм. Тэрбээр өвөрмөц сэтгэлгээ, толгой эргүүлсэн дүрслэл, сонирхол татсан зургаараа алдартай нэгэн. Энэ зургийг хараад харин юу ойлгож байна? Түүний гаргах гэсэн санааг яг таг ойлгоход мэдээж хэрэг бэрх. Юуг ч өгүүлсэн байж болно. Би зургийг анх харангуутаа л СОХОР ДУРЛАЛ гэдэг бодол толгойд орж ирсэн юм. Залуучууд бид сохроор их дурладаг. Түүнийгээ харин бүр сүүлд нь мэдэж харамсдаг явдал их байдаг. Миний бие ч гэсэн сохор дурлалын амтыг мэдэрч үзсэн гэж би боддог. Сохор дурлал гэж яг юу вэ гэдгийг хүн хүн өөрийнхөөрөө хүлээж авах байх. Надад харин нэг асуулт байна. Миний хамгийн сүүлчийн дурлал бас сохор байв уу гэдэг. Би биш байгаасай гэж ямар их хүсэж байвч, мөн бол яана даа гэхээс айж л сууна. Цаг хугацаа бүгдийг харуулна биздээ.