1. "Чи надад хайртай юу? Чи одоо юуны тухай бодож байна...?"

Орон дотроо хайртай хүнээсээ энэ асуултыг ярианы сэдэв болгож асуух хэрэггүй. Мэдээж бүсгүй та "тийм", "чиний тухай" гэсэн хариултыг сонсохыг хүсч байгаа. Харин хариулт сонссоныхоо дараа "худал" хэлээгүй байгаа гэсэн бодолд автана. Үнэндээ эрчүүд үргэлж худал хэлдэг. Эрэгтэй хүмүүс сексийн дараа тэр дороо л унтаагүй бол ямар нэгэн зүйлийн талаар бодох дургүй байдаг тул таны асуултанд шууд л хариулна. Харин та энэ асуултыг үнэн сэтгэлээсээ асуусан бол эрчүүдийн хувьд утгагүй асуулт тул бухимдалд хүргэдэг. Эрэгтэй хүний сэтгэхүй нэгэнт ийм тул яалтай билээ, хүнд ажлын дараа хэн ч юм бодолгүй сайхан амрахыг хүсдэг шүү дээ.

2."Чи миний хуучин найзтай минь адилгүй/адилхан юм..."

Бүсгүй таны хувьд "хуучин" гэгдэх боловч эрэгтэй хүний хувьд үргэлж "өрсөлдөгч" нь байх болно. Эрчүүдийн сэтгэхүйд хайртай бүсгүйгээ бүрэн "өмчлөх" хүсэл бат бөх суусан байдаг тул урьдын хэнийг ч "хүчтэй өрсөлдөгч" гэж боддог. Тиймээс, найзынхаа байр суурийг эзэлж явсан хүний талаар дурсаж, өөртэй нь харьцуулахад илүүтэй дургүйцэл нь төрнө. Хэрэв та энэ үгийг байнга хэлдэг бол түүнд "хуучин найз нь одоо болтол сэтгэл зүрхэнд нь байдаг учир ийнхүү харьцуулдаг юм байна" гэсэн бодолыг төрүүлэх вий. Бүсгүй та ч гэсэн өөрийгөө эрэгтэй хүний байранд тавиад үзээрэй. Байнга чи миний өмнөх найз охиноос ийм тийм ялгаатай гэх мэт үгсийг сонсвол танд лав тааламжай байхгүй нь мэдээж. Өнгөрсөн юм өнгөрсөндөө л сайхан биш гэж үү?

3. "Чамгүйгээр би амьдарч чадахгүй!"

Эмэгтэй та энэхүү үгийг хэлснээрээ түүнд хайртайгаа илэрхийлж байна гэж бодож байгаа бол энэ нь хамгийн том эндүүрэл юм. Учир нь энэ үгийг "Надад ухаангүй дурласан болохоор яасан ч яах вэ" гэж зарим нэгэнд нь бодоход хүргэдэг бол үлдсэн хэсэгт нь зайгаа барихад хүргэдэг. Эмэгтэй хүнд хэзээ ч ихэмсэг зан байх /хэмжээндээ гэхдээ/ байх ёстой бөгөөд "чамайг алдчих юий" гэсэн айдсыг байнга мэдрүүлж, сонирхолтой байх хэрэгтэй.

4. "Дэмий зүйлд мөнгөө үрээд..."

Бүсгүй хүн та энэ үгийг хэзээ ч хэлж болохгүй. Харин ч танд бэлэг авч өгвөл үнэн сэтгэлээсээ баярлах хэрэгтэй. Ихэнх бүсгүйчүүд "Зүгээр л мөнгийг нь өгчихсөн бол би өөрөө сонголт хийгээд хэрэгцээтэй зүйлээ авахгүй юу" гэж боддог нь нууц биш. Эрчүүдэд бэлэг сонгох нь маш их дарамт авчирдаг. Хэрэв танд санаачлагаараа бэлэг авч өгсөн бол та түүний хувьд эрхэм хүн нь гэсэн үг. "Дэмий зүйлд мөнгө үрлээ" гэхийн оронд үнэн сэтгэлээсээ баярлаж талархахгүй бол магад дараачийн бэлэг өөр бүсгүйд очих вий...

5. "Ээж чинь... бла бла"

Ингэж хэзээ ч битгий гомдол. Тухайн хүн ямар ч бай эрэгтэй хүний хувьд ээж нь л болохоор хадмынхаа талаар сайн зүйлийг ярьж бай. Энэ "Алтан" дүрмийг баримтлахгүй бол та хоёр насан туршдаа дайтах болно. Энэ дайнд ялагч гэж байдаггүйг хэзээ ч битгий март. Эр хүний эхийг өчүүхэн төдий муулахад л байдар сөргөөр эргэнэ. Үнэнийг өгүүлж байсан ч ярих тусам таныг үзэн ядах болно. Ямар ч эр хүн эхийнхээ талд ордоггийг ойлгох хэрэгтэй. Хадамтайгаа сайн харьцаатай байснаар гэр бүлд тайван уур амьсгал бий болдог юм шүү.

6. "Чи үнэхээр доожоогүй юм..."

Ямар ч тохиолдолд энэ үг эрчүүдийг гомдооно. Хэрвээ таны найз чинь орондоо тааруу бол энэ үг түүнийг тарчлаан шаналаах болно. Эр хүн гэсэн утгаараа тэдний дотор "өөртөө итгэлтэй, бардам зан" ямагт нуугдаж байдаг. Иймэрхүү утгатай үг хэлэхийнхээ оронд болохгүй байгаа зүйлийнхээ талаар ярилцааз нэг үзээрэй...